دردشتنا النهاردة عن قوة وعظمه جمله حسبى الله ونعمه الوكيل وازى فى بعض من الناس بتستهين بيها .
الظلم ظلمات .
الظلم من ابشع صفات الانسان وعشان كدة ربنا عز وجل اقسم برد الظلم ولو بعد حين
فى الدنيا تقدر تتحمل الظلم ايوة بتحس بقهر وغدر وظلم واحاسيس صعبه فى التحمل لكن الاصعب انك تتحمل عقاب الظالم
تكريم المظلوم .
لكن لما الله عز وجل يوجهلك كلام ليك مخصوص ويطبطب عليك ويقولك متزعلش ويقسم ويقولك وعزتى وجلالى لانصرنك ولو بعد حين
طيب عايز اكتر من كدة تكريم وكمان لماتصبر وتحتسب كل لحظه فكر وحزن وألم شوفتها بتاخد حسنات يبقى في كرم اكتر من كدة
يعنى وعدك بالرد ويقولك لوردى اتأخر اوعى تقلق اصبر حبه وصبرت قد صبرك دة حسنات ايه التكريم الالهى دة
متنساش انت احتسبت ووكلت من بيدة الامر كله من يقول للشئ كن فيكون
واحيانا التأخر فى الرد عقاب اكتر للظالم ليتمادى فى ظلمه
خليه يشيل على قد مايقدر ويوم الحساب انت يامظلوم بايدك انك تدخل اللى ظلمك الجنه لو سماحته او النار حتى لو ربنا غفر له ذنوبه يبقى فيه تكريم اكتر من كدة للمظلوم
لاتستاهين .
لا تستاهين بقهر مظلوم وقول حسبى الله ونعمه الوكيل .
فى نصيب للرد فى الدنيا والنصيب الاكبر فى الاخرة والاصعب لما يبقى الرد كله فى الاخرة مهما تعمل من حسنات مش هتدخل الجنه غير ان اللى ظلمته يسامحك الا حقوق العباد
اللهم ابعد عنا شر الظلم والظلمات وسواد القلوب اللهم أرنا الحق حقا وأرزقنا أتباعه وأرنا الباطل باطل وأرزقنا أجتنابه
إرسال تعليق
رئيكم يهمنى